Shtëpi Lajme Dy të arrestuar për trafikim të mbi 100 migrantëve

Dy të arrestuar për trafikim të mbi 100 migrantëve

Shperndaje në Facebook.

Policia e Kosovës ka realizuar një operacion në rajonin e Gjilanit me ç’rast kanë arritur të bëjnë arrestimin e dy personave të dyshuar për “kontrabandim me migrant:, njofton kumtesa nga Policia

migrantëve

Policia e Kosovës ka realizuar një operacion në rajonin e Gjilanit me ç’rast kanë arritur të bëjnë arrestimin e dy personave të dyshuar për “kontrabandim me migrant:, njofton kumtesa nga Policia, transmeton Koha.net.

Personat e arrestuar në këtë rast janë:

R. lindur me 1971 m/sh/k

A. lindur me 1974 m/sh/k

Dyshohet se këta persona kanë kryer aktivitete kriminale, duke iu mundësuar disa shtetasve nga Afganistani të migrojnë në mënyrë të paligjshme, duke përdorur territorin e Kosovës si rrugë transite e për në shtetet perëndimore.

Dyshohet se gjatë kësaj periudhe kohore mbi 100 persona të moshave dhe gjinive të ndryshme janë kontrabanduar për në shtetet perëndimore. Me këtë rast dyshohet se personat e arrestuar kanë kryer veprën penale ‘kontrabandim me migrant’, Neni 170 i Kodit Penal të Kosovës.

Me urdhër të Gjykatës Themelore në Mitrovicë me datën 26 prill 2017, nga Sektori i Hetimeve të Departamentit të Policisë Kufitare dhe me asistimin e Njësive Policore të stacionit policor në Gjilan dhe dy njësive të NJSO-së, është realizuar bastisje në shtëpinë e të dyshuarit të parë në Gjilan. Gjatë bastisjes në shtëpinë e të dyshuarit nuk është hasur ndonjë mjet i dyshimtë.

Pas intervistimit të njëjtit janë dërguar në mbajtje për 48 orë me vendim të prokurorit të lëndës.